50+ Powerful Motivational Shayari | Positive Mindset Lines
Motivational shayari is not just about powerful words it is about that small push you need on a difficult day. We all face moments when self doubt grows and energy feels low. In those times a few motivational lines can recap you of your strength and help you stand tall again. Some people attach with motivational shayari in english because it feels clear and direct while others feel stirred by motivational shayari in hindi that says straight to the heart.
These words are humble yet meaningful and they quietly encourage you to believe in yourself and keep moving forward no matter what. In this collection you will find motivational shayari, success motivational shayari, life motivational shayari and self motivation shayari that inspire strength growth and a positive outlook every day.
Motivational Shayari
Mukaam wo chahiye ki jis din bhi haarun,
Us din jeetne wale se zyada
Meri haar ke charche hon.
Kitabon ki ahmiyat apni jagah hai janaab,
Sabko wahi yaad rehta hai
Jo waqt aur log sikhate hain.
Jeevan ki sabse badi khushi
Us kaam ko karne mein hai,
Jise log kehte hain,
“Tum nahi kar sakte.”
Insaan asafal tab nahi hota
Jab woh haar jaata hai,
Asafal tab hota hai
Jab woh yeh soch le ki
Ab woh jeet nahi sakta.
Khud ko safal dekhna chahte ho to,
Aaj se khud ko safal maana shuru kar do,
Kyunki safalta ki chhaap pehle
Hamare dimaag mein banti hai,
Baad mein sachchai ban kar saamne aati hai.
Jo aapko kamzor banata hai,
Wahi aapko behtar banane mein
Madad karta hai.
Motivation Shayari
Taqdeer badal jaati hai
Jab iraade mazboot ho,
Varna zindagi beet jaati hai
Kismat ko dosh dene mein.
Samay na lagao tay karne mein
Aapko kya karna hai,
Varna samay tay karega
Aapka kya karna hai.
Apne andar ke bachche ko
Hamesha zinda rakhiye,
Had se zyada samajhdari
Jeevan ko neeras kar deti hai.
Aankh se gire aansu,
Aur nazron se gire log,
Kabhi nahi utha karte.
Aag lagane walon ko kahan khabar,
Rukh havaon ne badla to
Khaak wo bhi honge.
Negativity ek aisi bhayanak beemari hai,
Jo zinda insaan ko murda bana deti hai.
Us jagah par hamesha khamosh rehna,
Jahan do kaudi ke log apni
Haisiyat ke gun gaate hain.
Self Motivation Shayari
Bhagya ko aur doosron ko dosh kyon dena,
Jab sapne hamare hain to
Koshishein bhi hamari honi chahiye.
Kisi ki ninda karne se
Yeh pata chalta hai
Ki aapka charitra kya hai,
Na ki us vyakti ka.
Waafiq to main bhi hoon
Duniya ke taur-tarikon se,
Par zidd yahan hisaab se jeene ki hai.
Shehenshahi nahi mujhe,
Insaniyat ata kar Maula,
Main logon par nahi,
Dilon par raaj karna chahta hoon.
Aankhon mein jeet ke sapne hain,
Aisa lagta hai ab zindagi ke
Har pal apne hain.
Jab tak aap apni samasyaon aur
Kathinaaiyon ki wajah doosron ko maante hain,
Tab tak aap apni samasyaon aur
Kathinaaiyon ko mita nahi sakte.
Motivational Shayari 2 Lines
Uski kadar karne mein der mat karna,
Jo is daur mein bhi tumhe waqt deta hai.
Jo manzilon ko paane ki chahat rakhte hain,
Wo samandaron par bhi pattharon ke pul bana dete hain.
Kaun kaabil hai aur kaun nahi,
Yeh to sirf waqt hi batata hai.
Duniya ki koi pareshani
Aapke sahas se badi nahi hai.
Zindagi to bewafa hai, ek din thukrayegi,
Maut mehbooba hai, apne saath lekar jaayegi.
Khud ko itna kamzor mat hone do,
Ki tumhe kisi ke ehsaan ki zarurat ho.
Zindagi ko safal banane ke liye
Baaton se nahi, raaton se ladna padta hai.
Yadi manzil na mile to raaste badlo,
Kyunki vriksh apni pattiyan badalte hain, jad nahi.
Jinme akele chalne ke hausle hote hain,
Unke peeche ek din kaafile hote hain.
Ujaalon mein mil hi jaayega koi na koi,
Talaash us heere ki hai jo andheron mein bhi saath de.
Attitude Motivational Shayari
Abhi to is baaz ki asli udaan baaki hai,
Abhi to is parinde ka imtihaan baaki hai,
Abhi abhi maine laangha hai samandaron ko,
Abhi to poora aasman baaki hai.
Ek din mujhse lipatkar samay bhi royega,
Kahega, tu to banda sahi tha,
Main hi kharab chal raha tha.
Jab tumhe khushiyan milne lage,
Tab use na bhoolna jisne tumhe
Yeh khushiyan di hain.
Jo log andar se mar jaate hain,
Aksar wahi log
Doosron ko jeena sikhate hain.
Samundar ko ghamand tha ki wo
Puri duniya ko duba sakta hai,
Itne mein ek tel ki boond aayi
Aur us par tairkar nikal gayi.
Waqt aur kismat par kabhi ghamand na karo,
Subah unki bhi hoti hai
Jinhe koi yaad nahi karta.
Jab log aapse khafa hone lag jaayen,
To aap samajh lena ki
Aap sahi raah par hain.
Success Motivational Shayari
Jab tak shiksha ka maksad naukri paana hoga,
Tab tak samaaj mein naukar hi paida honge,
Maalik nahi.
Umar zaya kar di logon ne
Auron ke wajood mein nuks nikalte nikalte,
Itna hi khud ko tarasha hota to
Farishte ban jaate.
Aap tab tak nahi haar sakte
Jab tak aap koshish karna nahi chhod dete.
Andaze se na naapiye kisi ki hasti ko,
Thehre hue dariya aksar gehre hote hain.
Hamesha yaad rakhna,
Behtareen dinon ke liye
Bure dinon se ladna padta hai.
Bahut mushkil hota hai
Us shaks ko harana,
Jise chalna bure waqt ne sikhaya ho.
Barish ki boonden bhale hi chhoti hon,
Lekin unka lagataar barasna
Badi nadiyon ka bahaav ban jaata hai,
Waise hi hamare chhote chhote prayas bhi
Zindagi mein bada parivartan la sakte hain.
Kuch alag karna hai
To bheed se hat kar chalo,
Bheed sahas to deti hai,
Par pehchaan chheen leti hai.
Dard, gham, dar jo bhi hai bas tere andar hain,
Khud ke banaye pinjre se nikal kar dekh,
Tu bhi ek Sikandar hai.
Kisi ke pairon mein girkar kaamyabi paane se behtar hai
Apne pairon par chal kar kuch banne ki thaan lo.
Sheesha tootne ke baad
Bikhar jaaye to hi behtar hai,
Kyunki daraarein na jeene deti hain
Aur na hi marne deti hain.
Yun zameen par baithkar kyun aasman dekhta hai,
Pankhon ko khol, zamana sirf udaan dekhta hai.
Life Motivational Shayari
Bas itna chahiye tujhse ae zindagi,
Ke zameen par baithun to log use badappan kahen,
Aukaat nahi.
Zindagi mein jo bhi haasil karna ho,
Use waqt par haasil karo,
Kyunki zindagi mauke kam
Aur dhoke zyada deti hai.
Jeevan mein girna bhi achha hai,
Aukaat ka pata chalta hai,
Badhte hain jab haath uthane ko,
To apnon ka pata chalta hai.
Mushkil waqt duniya ka sabse bada jadugar hai,
Jo ek pal mein aapke chahne walon ke chehre se
Naqaab hata deta hai.
Jo kal tha use bhool kar to dekho,
Jo aaj hai use jee kar to dekho,
Aane wala pal khud sanwar jaayega.
Galat password se ek chhota sa
Mobile ka lock tak nahi khulta,
Galat tareeke se zindagi jeene se
Jannat ke darwaze kaise khulenge.
Duniya ke log bade zalim hain,
Wo tumhare dukh dard ro ro kar poochhenge,
Aur hans hans kar saari duniya ko batayenge.
Zindagi mein agar bura waqt nahi aata,
To apnon mein chhupe hue gair
Aur gairon mein chhupe hue apnon
Ka kabhi pata na chalta.
Ajeeb dastoor hai zamaane ka,
Achhi yaadein pendrive mein
Aur buri yaadein dil mein rakhte hain.
🏠 Visit Home Page