Beautiful Good Night Shayari | Pyari Raat Ki Shayari
Good night shayari is more than just a few sweet lines before sleep. It is a kind method to send love peace and sincere wishes to someone special at the end of a long day. After busy hours and tired instants these words feel like a soft embrace that carries comfort and calm. In this collection you will find heart touching good night messages romantic night quotes. Whether you are sharing good night shayari in hindi with family friends or your partner each line carries care positivity and hope. Let these simple yet meaningful words turn every night into a peaceful and beautiful memory.
Good Night Shayari
Chaandni lekar yeh raat aapke aangan mein aaye,
Aasman ke saare taare lori gaa kar aapko sulayein,
Aapke sapne itne pyaare aur meethe hon,
Ke aap sote hue bhi sada muskuraayein.
Har raasta ek safar chahta hai,
Har musafir ek humsafar chahta hai,
Jaise chaandni chaand ko chahti hai,
Koi hai jo aapko is qadar chahta hai.
Good Night
Raat ka chaand aasman mein nikal aaya hai,
Saath mein taaron ki baraat laya hai,
Zara aasman ki taraf dekho,
Woh meri taraf se Good Night kehne aaya hai.
Sote hue ko jagayenge hum,
Aapki neend churayenge hum,
Har waqt SMS karke satayenge hum,
Aapko aayega gussa lekin,
Us gusse mein bhi yaad to aayenge hum.
Good Night
Tamaam saboot aur gawahon ko madde nazar rakhte hue yeh adalat,
Is SMS padhne wale ko Good Night wish karke,
Raat bhar sone ki saza sunati hai.
Good Night
Good Night Shayari Photo
Raat hui woh sone chale,
Meethe sapno mein khone chale,
Ae chaand unhe meethi lori suna dena,
Jab woh reply na dein to palang se gira dena.
Good Night
Aaj aapki raat ki achchi shuruaat ho,
Raat bhar khoobsurat sapno ki barsaat ho,
Jinhe aapki nigahein har waqt dhoondti rehti hain,
Khuda kare sapno mein unse mulaqat ho.
Good Night
Dil mein halka sa shor ho raha hai,
Bina SMS dil bore sa ho raha hai,
Kahin aisa to nahi ek pyaara sa dost,
Good Night kiye bina so raha hai.
Kitni jaldi yeh mulaqat guzar jaati hai,
Pyaas bujhti bhi nahi barsaat guzar jaati hai,
Aye jaan apni yaadon se kaho na aaya karein,
Neend aati bhi nahi raat guzar jaati hai.
Good Night
Agar raaton ko jaagne se ghamon mein kami hoti,
To mere daaman mein khushiyon ke siwa kuch bhi na hota.
Good Night Shayari Love
Har sapna kuch paane se poora nahi hota,
Koi kisi ke bin adhoora nahi hota,
Jo chaand roshan karta hai raat bhar sabko,
Kisi raat woh bhi to poora nahi hota.
Raat ho par usme ujala karne wala ho,
Dil ho par usme koi rehne wala ho,
Waqt ho par use koi guzarne wala ho,
Khwaab ho par usme koi aane wala ho.
Good Night
Yeh sitaare chahte hain ki raat aaye,
Hum likhen aur aapka jawab aaye,
Sitaare ki chamak to nahi hai mujh mein,
Lekin hum aisa kya karein,
Jo aapko hamari yaad aaye.
Jaane kaise us insaan ko yeh hunar aata hai,
Raat hote hi woh palkon mein utar aata hai,
Main uske khayalon se bach kar kahan jaaun,
Woh mere khwaab ke har raste par nazar aata hai.
Aankhen kitni bhi chhoti kyun na ho,
Taaqat to unmein saara aasman dekhne ki hoti hai,
To in aankhon ko thoda aaraam dene ka waqt aa gaya hai.
Heart Touching Good Night Shayari
Raat ko raat ka tohfa nahi dete,
Phool ko phool ka tohfa nahi dete,
Dene ko hum aapko chaand bhi de sakte hain,
Lekin chaand ko chaand ka tohfa nahi dete.
Raat ka chaand tumhe salaam kare,
Pariyon ki awaaz tumhe adaab kare,
Saari duniya ko khush rakhne wala Rab,
Har pal tumhari khushiyon ka khayal kare.
Good Night
Daali se toota phool phir se lag nahi sakta,
Magar daali mazboot ho to us par naya phool khil sakta hai.
Usi tarah zindagi mein khoye pal wapas nahi la sakte,
Magar hausle aur vishwas se aane wale har pal ko khoobsurat bana sakte hain.
Good Night
Dua hai ki aapki raat ki achchi shuruaat ho,
Pyar bhare meethe sapno ki barsaat ho,
Jinko dhoondti rahi din bhar aapki aankhen,
Rab kare sapno mein unse mulaqat ho.
Ab to yeh hamari aankhen bhi humse sawal karti hain,
Ab to bas khayalon mein hi yeh raat kat ti hai,
Jab tak hum aapko Good Night na keh dein,
Yeh kambakht neend aane se inkaar karti hai.
Good Night
Friends Good Night Shayari
Milne aayenge hum aapse khwaabon mein,
Zara roshni ke diye bujha dijiye,
Ab aur nahi hota intezaar aapse mulaqat ka,
Ab apni aankhon ke parde gira dijiye.
Shubh Raatri
Aakaash ke taaron mein khoya hai yeh jahan saara,
Lagta hai pyara har ek taara,
Un taaron mein bhi sabse pyara hai ek sitaara,
Jo is waqt padh raha hai SMS hamara.
Meethi meethi yaadein palkon mein saja lena,
Saath guzre pal ko dil mein basa lena,
Chahe na aao dil mein,
Magar muskura kar mujhe sapno mein bula lena.
Good Night
Mujhy rula kar sona tu teri aadat ban gayi ha,
Jis din meri aankh na khuli,
Tujhe neend se nafrat ho jayegi.
Milo kisi se aise ki zindagi bhar ki pehchaan ban jaye,
Pade kadam zameen par aise ki logon ke dil par nishaan ban jaye,
Jeene ko to yahan har koi jee leta hai,
Lekin jiyo zindagi aise ki auron ke lab ki muskaan ban jaye.
Emotional Good Night Shayari
Nikal aaya chaand, bikhar gaye sitaare,
So gaye panchhi, so gaye nazaare,
Kho jao tum bhi meethe khwaabon mein,
Aur dekho raat mein sapne pyaare pyaare.
Pyare se dost ko salaam hamara,
Din kaisa raha yeh sawal hamara,
Kal phir SMS bhejenge yeh wada hamara,
Par abhi Good Night ka pyaara sa paigaam hamara.
Palkon mein qaed kuch sapne hain,
Kuch begaane aur kuch apne hain,
Na jaane kya kashish hai in khayalon mein,
Kuch log humse door hokar bhi kitne apne hain.
Aansu na hote to aankhen itni khoobsurat na hoti,
Dard na hota to khushi ki keemat na hoti,
Agar mil jaata sab kuch sirf chahne se,
To duniya mein upar wale ki zarurat hi na hoti.
Good Evening
Poore din ki thakaan ke baad ab yeh khoobsurat raat aayi hai,
So jao meethe sapno ke saath kyunki neend rani aayi hai.
Good Night
Good Night Shayari in English
Hum kabhi tumse khafa ho nahi sakte,
Wada kiya hai to bewafa ho nahi sakte,
Aap bhale hi humein bhulakar so jao,
Magar ham apko yad kiye bina so nhi sakty.
Chaand bhi to dekho tumhe taak raha hai,
Sitaare bhi thame thame se lag rahe hain,
Zara muskura do hum sab ke liye,
Hum bhi tu tumhain Shubh Ratri keh rahy hain.
Shubh Raatri
Sapno ki tarah tujhe saja kar rakhun,
Baahon mein apni chhupa kar rakhun,
Mohabbat karun tujhe raat bhar bepanaah,
Ae humdam tujhe apna bana kar rakhun.
Kaisa hota agar kabhi raat na hoti,
Phir sapno mein unse mulaqat na hoti,
Woh wada karte humse milne ka sapno mein,
Na milte hum na aankhen chaar hoti.
Shubh Raatri
Ae aasman ke chaand taaro,
Zara is sone wale ko laat maro,
Without my Good Night you can’t sleep yaaron.
Angrezi mein Good Night,
Hindi mein Shubh Raatri,
Urdu mein Shabba Khair,
Aur apni style mein,
Chal ab ludhak le.
Good Night Sad Shayari
Zindagi mein kamyabi ki manzilon ke liye khwaab zaruri hain,
Aur khwaab dekhne ke liye neend zaruri hai,
To apni manzil ki pehli seedhi chadho, aur ab so jao.
Koshish kar raha hu k koi mujhsy na roothy,
Zindagi mein apno ka saath na chhoote,
Rishte koi bhi ho use aise nibhaun,
Ki us rishte ki dor zindagi bhar na chhoote.
Yun hi kabhi sapno se dil lagaya karo,
Kisi ke khwaabon mein aaya jaya karo,
Jab bhi dil kary ki koi tumhy bi subah jagaye,
Bas humein yaad karke pehle so jaya karo.
Tere paigaam ke intezar mein din guzar diya,
Ab rehne do, khwaabon mein mil lunga raat mein.
Apne hothon ko mere hothon se aaj chhu jaane do,
Dil ki hasratein aaj poori ho jaane do,
Meri to har raat tanha hoti hai,
Tum aaj ki raat ko suhani ho jaane do.
Beautiful Good Night Shayari
Ab yaaro raat bahut ho gayi, so jao,
Kisi ke meethe meethe khwaabon mein kho jao,
Koi aapka khwaabon mein intezar kar raha hai,
Zara usse ja kar mil kar aao.
Woh mere khwaabon mein aakar mujhko beqarar karna,
Woh bina kuch kahe bas yun hi muskurana,
Bahut achha lagta hai tera khwaabon mein aana,
Tu khwaabon ke saath saath meri zindagi mein bhi aana.
Saari raat khud se roothe rahe hum,
Dekha sab ne humein muskurate hue,
Par andar hi andar tootte rahe hum.
Tu jahan rahe wahan meri duaon ki chhaanv ho,
Woh shehar ho phir chahe gaon ho,
Teri aankhon mein kabhi koi gham na ho,
Bas yahi dua hai hamari ki teri khushiyan kabhi kam na ho.
Khawab woh nhi hoty jo ham sote waqt dekhte hain,
Balki khwaab to woh hote hain jo humein sone nahi dete.
🏠 Visit Home Page
