Beautiful Romantic Shayari in English | Deep Love Words
Romantic shayari in english is a simple way to share love without using heavy or dramatic words. It fits perfectly when you want to say something sweet honest and close to the heart. Many people enjoy english love shayari because it feels clear and easy to relate to everyday moments. These romantic lines talk about care trust smiles and quiet feelings shared between two people. Whether it is new love or a long bond english romantic poetry keeps emotions soft and warm. Such love shayari helps express love in a calm natural way that feels real and meaningful.
Romantic Shayari in English
Sirf ishaaron mein hoti mohabbat agar,
In alfaazon ko khoobsurti kaun deta,
Bas patthar ban ke reh jaata Taj Mahal,
Agar ishq ise apni pehchaan na deta.
Udaas hoon par tujhse naraaz nahi,
Tere dil mein hoon par tere paas nahi,
Waise to sab kuch hai mere paas,
Par tere jaisa koi khaas nahi.
Kalam thi haath mein, likhna sikhaya aapne,
Taaqat thi haath mein, hausla dilaya aapne,
Manzil thi saamne, rasta dikhaya aapne,
Hum to sirf dost the, aashiq banaya aapne.
Surkh gulaab si tum ho,
Zindagi ke bahaav si tum ho,
Har koi padhne ko beqaraar,
Padhne wali kitaab si tum ho.
Meri mohabbat hai woh, koi majboori to nahi,
Woh mujhe chahe ya mil jaaye, zaroori to nahi,
Itna hi kaafi hai ke saanson mein basa hai woh,
Saamne ho meri aankhon ke, zaroori to nahi.
Romantic Love Shayari in English
Meri aankhon mein jhaankne se pehle,
Zara soch lijiye ai huzoor,
Jo humne palkein jhuka li to qayamat hogi,
Aur jo nazrein mila li to mohabbat hogi.
Mainy har dua mein tujhe maanga hai,
Magar wafa se maanga hai,
Kabhi sajde mein jaakar poochna apne Rab se,
Ke maine kis kis ada se tumhe maanga hai.
Jo pal pal jale woh roshni,
Jo pal pal mehke woh khushboo,
Jo pal pal dhadke woh dil,
Jo pal pal yaad aaye woh aap.
Sangymarmar ke mahal mein teri tasveer sajaunga,
Apne is dil mein tere hi khwaab jagaunga,
Yun ek baar aazma ke dekh, tere dil mein bas jaunga,
Main pyaar ka hoon pyaasa, tere aagosh mein mar jaunga.
Romantic Shayari in Roman English
Khushboo ki tarah aapke paas bikhar jaunga,
Sukoon ban kar dil mein utar jaunga,
Mehsoos karne ki koshish kijiye,
Door hokar bhi paas nazar aaunga.
Ishq ne humein benaam kar diya,
Har khushi se humein anjaan kar diya,
Humne to kabhi nahi chaha tha mohabbat,
Lekin apki aik nazar ne humein nilaam kar diya.
Aapse roz milne ko dil chahta hai,
Kuch sunne sunaane ko dil chahta hai,
Tha aapke manaane ka andaaz aisa,
Ke phir rooth jaane ko dil chahta hai.
Kab tak woh mera hone se inkaar karega,
Khud toot kar woh ek din mujhse pyaar karega,
Ishq ki aag mein usko itna jala denge,
Ke izhaar woh mujhse sar-e-bazaar karega.
Zara nazron se dekh liya hota,
Agar tamanna thi daraane ki,
Hum yun hi behosh ho jaate,
Kya zarurat thi muskurane ki.
Log kehte hain kisi ek ke chale jaane se
Zindagi adhoori nahi hoti,
Lekin laakhon ke mil jaane se bhi,
Us ek ki kami poori nahi hoti.
Romantic Couple Shayari in English
Tum mile to har khushi mil gayi humein,
Lagta hai jaise doosri zindagi mil gayi humein,
Zindagi mein jiska tha saalon se intezar humein,
Jeevan ka saathi bina maange mil gaya humein.
Meri har nazar mein basi hai tu,
Meri har qalam pe likhi hai tu,
Tujhe soch loon to ghazal meri,
Na likh sakoon to woh khayal hai tu.
Apne dil ki baat zamane ko bata dete hain,
Har ek raaz se parda utha dete hain,
Aap humein chahein ya na chahein, gila nahi,
Jise chah lein hum, us par jaan luta dete hain.
Rehnuma ho zamane ki,
Jeene ke andaaz si tum ho,
Nazar hai qaatilana,
Botalon mein band sharab si tum ho.
Khwab to woh hai jiska haqeeqat mein bhi deedaar ho,
Koi mile to is qadar mile,
Jise mujhse hi nahi, meri rooh se bhi pyaar ho.
2 Line Romantic Shayari in English
Tumhari zulfon ke saaye mein shaam kar lunga,
Safar is umr ka pal mein tamaam kar lunga.
Tu mile ya na mile, yeh to aur baat hai,
Main koshish bhi na karoon, yeh to ghalat baat hai.
Kuch door hamare saath chalo, hum dil ki kahani keh denge,
Samjhe na jo tum aankhon se, woh baat zubaani keh denge.
Ada se dekh lo jaata rahe gila dil ka,
Bas ek nigaah pe thehra hai faisla dil ka.
Tumhari ek muskurahat pe hum haar baithe,
Dil kya tha, woh bhi tumse pyaar kar baitha.
Meri har subah tumse shuru hoti hai,
Aur har raat tum par hi khatam hoti hai.
Tumhara naam jo dil se nikal jaaye,
To shayad dhadkan bhi saath chhod jaaye.
Tumhe dekha to samajh aaya mohabbat kya hoti hai,
Warna yeh lafz sirf kitaabon ki baat hoti hai.
ЁЯПа Visit Home Page
